Story......... NI WEWE TU PENINA Sehemu ya Sita (6) By GIVAN IVAN PHONE & whatsapp ____0769673145 Ilipoishia........ "Eeh Mungu Kwanini unaniacha niteseke hivi? Kama huu ndio mwisho wa maisha yangu bas naomba unichukue haraka usiniache nife Katika mateso makali kiasi hiki." akajisemea Frank kwa sauti ya chini akimuomba Mungu wake. Lakini hata hivyo baada ya masaa mawili mbele, aliweza kupita mzee mmoja aliyekuwa akichunga ngombe, karibu na sehemu Ile aliyotupwa Frank na pia akaweza kumuona Frank akiwa amelala pale chini akiwa hajiwezi kwa lolote. ***********Endelea ******* Mzee yule aliweza kumsogelea Frank na kumfungua kitambaa cheusi alichofungwa usoni. "kijana umepatwa na nini." akauliza mzee yule baada yule baada ya kumfungua Frank usoni. "kwa kwa kwani ha ha hapa ni wapi?" akauliza Frank kwa taabu badala ya kujibu swali aliloulizwa. "hapa ni tabora kwani umepatwa na nini?" akajibu mzee yule na kumuuliza tena Frank. Frank hakuamini kusikia eti yupo tabora, akamwambia mzee yule, "nimetekwa na Kuja kutupwa huku tafadhali naomba nisaidie nina njaa Sana." aliongea Frank kwa taabu kumuambia mzee yule. "ooh pole Sana kijana wangu, wewe kwenu wapi?" akauliza mzee yule huku akimfungua Frank kamba za miguuni pamoja na mikononi. "Tafadhali mzee wangu naomba nisaidie nipate hata maji ya kunywa nakufa mzee wangu." akaongea Frank kwa uchungu Sana. Mzee yule alimwonea huruma Frank kwa jinsi alivyokuwa anaongea na hali mbaya aliyokuwa nayo. Mzee yule alimbeba Frank na kumpeleka mpaka kijumba chake kilichotengenzwa kwa nyasi huku pembeni yake kukiwa na zizi kubwa la ngombe. Mzee yule baada ya kufika alimlaza Frank chini kwenye ngozi ya ngombe, Kisha akamletea maziwa na kuanza kumnywesha Frank. Frank aliweza kupata nguvu kidogo baada ya kunywa maziwa karibia Lita mbili. Baada ya hapo mzee yule alimletea Frank nyama iliyochomwa na kumkambidhi Frank. Frank alianza kula nyama Ile ambayo hakujua ni ya mnyama gani. Baada ya masaa kadhaa Frank aliweza kurudia kwenye hali yake ya kawaida, lakini sasa mawazo yakaanza kumtawala kwa kumkumbuka mpenzi wake Penina. Frank alianza kukumbuka jinsi alivyoongea na Penina kwenye simu na kukubaliana kukutana baada ya dakika kadhaa, lakini pia akakumbuka namna alivyotoka nje kumsubiri Penina lakini baada ya hapo hakukumbuka tena kilichotokea mpaka pale alipokuja kushtuka na kujikuta yupo kwenye gari na baadae kujikuta yupo pale msituni na kusaidiwa na mzee yule. Lakini Frank alikumbuka pia alikuwa na simu lakini alipoitafuta mfukoni hakuiona. Frank alihuzunika sana kwa hichi kilichomtokea, hakujua ni wakina nani wamemfanyia kitendo kile. Frank bado alikumbuka mengi Sana aliyokuwa ameongea na Penina, lakini Sasa alikuwa akiwaza kama ataweza kukutana tena na Penina. "kijana, kijana, kijana" Frank alishtushwa na sauti ya mzee yule ikimuita na hapo na hapo ndio akatoka kwenye mawazo Yale na kumuitikia mzee yule. "naam mzee wangu." akaitikia Frank na kumtizama mzee yule. "inaonekana una mawazo Sana nimekuita zaidi ya Mara tano bila mafanikio una matatizo gani kijana wangu." Akauliza mzee yule huku akionekana kumhurumia Sana Frank. "Mzee wangu nina matatizo makubwa Sana." akaongea Frank huku akitokwa na machozi. "mzee wangu yaani kuna watu wanataka kuniangamiza kwasababu tu ya mwanamke." akazidi kuongea Frank kwa uchungu. "hebu nyamaza bas unielezee vizuri na uniambie unaitwa Nani, jikaze wewe ni mwanaume." akaongea mzee yule huku akimpiga piga Frank mgongoni. "kwanza kabisa mimi naitwa Frank na sababu kubwa ya mimi kuwa hapa Sasa hivi ni kwasababu ya mapenzi." akaongea Frank na kumsimulia mzee yule simulizi fupi ya mapenzi yake na Penina huku pia akimuelezea jinsi ambavyo mzee Joel baba yake Penina hataki yeye Frank amuoe mtoto wake Penina. "pole Sana kijana wangu Frank, lakini nataka nikuambie tu kama kweli huyo mwanamke anakupenda kutoka moyoni, lazima atakusubiri mpaka pale utakaporejea." akaongea mzee yule kumpa moyo Frank. "mimi kweli yule mwanamke ananipenda Sana, lakini atajuaje niko hai mpaka Sasa?" akaongea Frank na kuhoji. "kijana acha kuwa na mawazo potofu kinachotakiwa kwa Sasa na ufanye kazi upate pesa ya kurudi dar es salam shilingi elfu sabini." akaongea mzee yule kumuambia Frank. "lakini hapa inaonekana ni msituni kabisa Nitapata wapi kazi Sasa.?" akahoji Frank kwa mshangao. "ndio hapa ni msituni hujakosea tena huku ni msituni ndani ndani kabisa na kutoka hapa kuelekea tabora mjini ambapo ndio kuna magari ya kuelekea dar es salam kwa miguu huwa tunatumia siku Tatu." akaongea mzee na kumuacha Frank akiwa ametumbua macho. "kwani hamna magari?" akahoji Frank. "huku msituni magari yatoke wapi kijana unataka kuchanganyikiwa.?" mzee yule akamuuliza Frank kwa mshangao. "mpaka hapa mzee wangu nishachanganyikiwa." akaongea Frank huku akiwa ameshika kichwa. "sikiliza kijana nikuambie, wewe ni mwanaume na siku zote mwanaume huwa hakati tamaa, pumzika hapa kwangu kwa siku mbili nikuandae uweze kuanza safari ya kuelekea tabora mjini kwa ajili ya kurudi kwenu wewe sio wa kuishi huku msituni. " akaongea mzee yule kumuambia Frank ambaye alikuwa kama haamini kilichomtokea. * *******Dar es salam ****** " yes Dickson habari yako? " " Habari yangu nzuri Sana hamjambo huko? " " hatujambo kabisa Dickson uko wapi? " " kwa Sasa niko Kenya kuna biashara nafanya halafu kesho nitakuja Tanzania. " " ooh Safi Sana Dick na pia karibu Sana nyumbani uje umuone mpenzi wako." "Ok Asante Sana nitakuja kumuona mpenzi wangu usijali." "Sawa bas nakutakia Kaz njema na safari njema." "Asante mzee Joel." Hayo yalikuwa mazungumzo ya mzee Joel pamoja na kijana mmoja kutoka nchi Norway aliyeitwa Dickson (Dick) ambaye ndio mzee Joel anatarajia aje amuoe mtoto wake Penina. "Kesho kuna mgeni maalumu atakuja hapa nyumbani nataka mumpokee kwa heshima na adhabu ya kutosha mmesikia?" akaongea mzee Joel akiwaambia watoto wake watatu, Nolan, Irene, Penina pamoja na mke wake ambao wote walikuwa sebuleni. "mgeni kutoka wapi na ni wa jinsia gani?" akahoji Nolan baada ya kuhisi kitu. "nimesema kuna mgeni anakuja na nataka mumpokee kwa heshima ya hali ya juu hayo maswali mengine sihitaji kuulizwa." akaongea mzee Joel kwa msisitizo. "ok Sawa." akajibu Nolan na kunyamaza.* Katika familia ya kina Frank furaha ilitoweka kabisa Katika nyumba yao kutokana na kutoweka kwa Frank na ikiwa imetimia wiki moja bila kujulikana alipo Frank.* Siku aliyokuwa anaisubiri mzee Joel ya kukutana na kijana mzungu anayeitwa Dick hatimaye iliwadia. "Penina mwanangu naomba nisikilize na unielewe mimi kama baba yako, Frank nimepata taarifa zake kuna sehemu ameonekana huko arusha akiwa na mwanamke mwingine Sasa ya nini kungangania mwanaume ambaye hajatulia?" akaongea mzee Joel na kumuuliza Penina ambaye alibaki kimya tu. "Mwanangu ngoja nikuletee mwanaume mzuri ambaye anaendana na wewe, mzuri kama wewe na mwenye elimu kama wewe achana na yule muokota makopo Frank." akaongea mzee Joel kumwambia Penina, lakini Penina bado alikuwa kimya tu akimtizama baba yake bila kumjibu kitu. Lakini mzee Joel hakujali ukimya wa Penina, yeye aliingia kwenye gari na kwenda kumpokea Dick Kuja kumuona Penina. Baada ya mzee Joel kuondoka. Machozi yalianza kutiririka usoni mwake baada ya kumkumbuka mpenzi wake Frank. Baada ya masaa mawili mbele mzee Joel alirejea nyumbani akiwa pamoja na mgeni wake. Geti lilifunguliwa na mlinzi na gari likaingia mpaka ndani na kupaki sehemu yake. "karibu Sana kuwa huru." akaongea mzee Joel huku akimfungulia Dick mlango wa gari. ........ Itaendelea

Ditulis Oleh: Unknown at 6:46 AM