NILIVYOFANYA INTERVIEW NA LUSIFA 16 Alianza kunieleza kuwa mchoro ule mwanzo wake ni kutoka kwenye kitabu cha Mfalme Suelemani, “The Lesser Key of King Solomon’ ambapo mchoro huo ulitumika kumfungia mfalme wa majini ya Mashariki aliyeimrubuni mfalme Suelemani kwa kumpoka ufalme wake akichukua sura yake. Alinielekeza kuwa wachawi na viumbe wanaotumia uchawi mweusi, huugeuza mchoro huo na kuuweka pembe yake kugeukia chini. (nimeambatanisha hapo juu) Kama hiyo haitoshi Shehe akanieleza kuhusu vitunguu saumu, akasema kuwa vitunguu hivi ni moja kati ya mimea ya awali kabisa kuumbwa na Mungu ambayo ilipandwa kuuzunguka ule mti wa katikati wa bustani ya Eden ambao Mungu alimkataza Adam asile, hapo utaelewa kuwa ndipo shetani alipofungiwa asivuke. Vitunguu hivi huweza kumfukuza shetani mbaya, mchawi, jini na hata mizimu yenye nia mbaya. Hivyo basi kwa kumuingiza Jay Love ndani ya hii pentagram na kumzungushia hivi vitunguu saumu kunamfanya ashindwe kufanya kitu chochote kibaya juu yetu. “Kama unabisha unaweza ukajaribu kuwaza kumfanyia jirani yako ubaya halafu tafuna hii tembe moja ya kitunguu saumu utaona wazo lako baya likiondoka lenyewe na utajikuta ukishindwa kufanya chochote kibaya, “ alisema Shehe na kuongeza kuwa vitunguu hivyo husafisha pia damu chafu na kudai kuwa kwa wale wanaotumia saumu kwenye chakula huepushwa na mabaya mengi kuliko wale ambao hawatumii kabisa.